ສປ ຈີນ ແລະ ມູນນິທິແຈັກມາ ມອບເຄື່ອງຊ່ວຍເຫຼືອທາງການແພດ ແກ່ ສປປ ລາວ

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນຈັນ, 30 ມິ.ນ 2020 17:00

​​​ໃນຕອນບ່າຍ ຂອງວັນທີ 30 ມີນາ 2020 ທີ່ ສາງພາລາທິການການແພດ ເຂດດົງໂພສີ, ນະຄອນຫຼວງວຽງຈັນ ໄດ້ມີພິທີມອບ-ຮັບເຄື່ອງຊ່ວຍເຫຼືອ ຈາກລັດຖະບານ ແຫ່ງ ສປ ຈີນ ແລະ ມູນນິທິແຈັກມາ (Jack Ma Foundation) ໃຫ້ແກ່ລັດຖະບານ ແຫ່ງ ສປປ ລາວ, ຊຶ່ງເຂົ້າຮ່ວມພິທີ ມີທ່ານ ວາງຊີຮູ່ຍ, ທູດທີ່ປຶກສາດ້ານເສດຖະກິດ-ການຄ້າ ສປ ຈີນ ປະຈຳ ສປປ ລາວ; ທ່ານ ບຸນແຝງ ພູມວິໄລສິດ, ຮອງລັດຖະມົນຕີ ກະຊວງສາທາລະນະສຸກ; ທ່ານ ນ. ທິບພະກອນ ຈັນທະວົງສາ, ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ; ທ່ານ ແຄນທອງ ສີສຸວົງ, ຮອງປະທານ ຄະນະກຳມາທິການ ຮ່ວມມື ລາວ-ຈີນ; ພ້ອມດ້ວຍພະນັກງານທີ່ກ່ຽວຂ້ອງ ຂອງສອງຝ່າຍ.

​​ເຄື່ອງທີ່ມອບ-ຮັບຄັ້ງນີ້ ຈາກລັດຖະບານ ແຫ່ງ ສປ ຈີນ ປະກອບມີ ຜ້າອັດປາກອະນາໄມ ແບບທົ່ວໄປ ຈຳນວນ 400.000 ອັນ, ຜ້າອັດປາກອານາໄມທາງການແພດ (N 95) ຈຳນວນ 5.000 ອັນ, ຊຸດນຸ່ງປ້ອງກັນເຊື້ອພະຍາດ ຈຳນວນ 5.000 ຊຸດ ຊຶ່ງລວມມີມູນຄ່າ 300.000 ກວ່າໂດລາ; ສ່ວນເຄື່ອງຊ່ວຍເຫຼືອ ຈາກມູນນິທິແຈັກມາ ແມ່ນນໍ້າຢາກວດຫາເຊື້ອພະຍາດໂຄວິດ 19 ຈຳນວນ 20.000 ກວ່າຊຸດ ມີມູນຄ່າ 100.000 ກວ່າໂດລາ.

ແຫຼ່ງ: ຫ້ອງວ່າການສໍານັກງານນາຍົກລັດຖະມົນຕີ