ຫສນຍ ສະຫຼຸບຕີລາຄາການຈັດຕັ້ງປະຕິບັດ ແລະ ປະກອບຄໍາເຫັນຕໍ່ກົດລະບຽບຂອງພັກ ສະໄໝທີ X

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນພຸດ, 15 ມ.ກ 2020 11:00


ໃນຕອນເຊົ້າຂອງວັນທີ 15 ມັງກອນ 2020 ທີ່ຫ້ອງວ່າການສໍານັກງານນາຍົກລັດຖະມົນຕີ ໄດ້ຈັດກອງປະຊຸມສະຫຼຸບຕີລາຄາ ແລະ ປະກອບຄໍາຄິດຄໍາເຫັນ ໃນການຈັດຕັ້ງປະຕິບັດກົດລະບຽບຂອງພັກສະໄໝທີ X ໂດຍການເປັນປະທານຂອງ ສະຫາຍ ຄໍາລາວັນ ຈັນທະລາວັນ, ຄະນະປະຈຳພັກ, ຮອງລັດຖະມົນຕີ, ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ມີທ່ານຮອງລັດຖະມົນຕີ, ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ບັນດາທ່ານຫົວໜ້າກົມ, ຮອງຫົວໜ້າກົມ, ຜູ້ຕາງໜ້າຈາກຄະນະຈັດຕັ້ງສູນກາງພັກ ພ້ອມດ້ວຍສະມາຊິກພັກທົ່ວຫ້ອງວ່າການສໍານັກງານນາຍົກລັດຖະມົນຕີ ເຂົ້າຮ່ວມ.

ໃນກອງປະຊຸມ, ສະຫາຍ ນາງ ບຸນໜັກ ຫຼວງລາດ, ຮອງເລຂາໜ່ວຍພັກ, ຮອງຫົວໜ້າກົມຈັດຕັ້ງພະນັກງານ ໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດກົດລະບຽບຂອງພັກ ສະໄໝທີ X ຂອງຫ້ອງວ່າການສໍານັກງານນາຍົກ ລັດຖະມົນຕີ ໃນໄລຍະທີ່ຜ່ານມາ. ຈາກນັ້ນ, ບັນດາສະມາຊິກພັກຂອງຫ້ອງວ່າການສໍານັກງານນາຍົກລັດຖະມົນຕີ ໄດ້ຍົກສູງຄວາມຮັບຜິດຊອບປະກອບຄໍາເຫັນຕໍ່ການສະຫຼຸບຕີລາຄາດັ່ງກ່າວ ແລະ ຕໍ່ກົດລະບຽບຂອງພັກ ສະໄໝທີ X ຢ່າງເປັນຂະບວນຟົດຟຶ້ນ, ມີບັນຍາກາດ ແລະ ໄດ້ຂໍ້ມູນທີ່ຫຼາກຫຼາຍ ເພື່ອເປັນຂໍ້ມູນພື້ນຖານໃຫ້ແກ່ອະນຸກຳມະການ ກົດລະບຽບ ແລະ ບຸກຄະລາກອນ ກອງປະຊຸມໃຫ່ຍ ຄັ້ງທີ XI ໃນການຄົ້ນຄ້ວາ, ປັບປຸງ, ດັດແປງກົດລະບຽບພັກ ທີ່ຈະສະເໜີຜ່ານກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ XI ຂອງພັກ ໃຫ້ມີເນື້ອໃນຖືກຕ້ອງ, ຄົບຖ້ວນ, ຮັດກຸມ ແລະ ສ່ອງແສງເຖິງສະພາວະຄວາມເປັນຈິງດ້ານການຈັດຕັ້ງ ແລະ ການເຄື່ອນໄຫວຂອງລະບົບການຈັດຕັ້ງພັກ ແລະ ສະມາຊິກພັກໃນເງື່ອນໄຂໃໝ່.​



ແຫຼ່ງ: ຫ້ອງວ່າການສໍານັກງານນາຍົກລັດຖະມົນຕີ