ນາຍົກລັດຖະມົນຕີ ເຂົ້າຮ່ວມກອງປະຊຸມ ເທື່ອທີ 10 ຂອງສະພາແຫ່ງຊາດ ຊຸດທີ VIII

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນພຸດ, 28 ຕ.ລ 2020 10:00

​​​​ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 27 ຕຸລາ ແລະ ຈະດໍາເນີນໄປເຖິງວັນທີ 17 ພະຈິກ 2020 ທີ່ຫ້ອງປະຊຸມສະພາແຫ່ງຊາດ (ຫຼັກ 6) ນະຄອນຫຼວງວຽງຈັນ, ໂດຍການເປັນປະທານ ຂອງທ່ານ ນາງ ປານີ ຢາທໍ່ຕູ້, ປະທານສະພາແຫ່ງຊາດ ແລະ ໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ, ທ່ານ ທອງລຸນ ສີສຸລິດ, ນາຍົກລັດຖະມົນຕີ, ມີບັນດາລັດຖະມົນຕີ, ຮອງລັດຖະມົນຕີ ແລະ ສະມາຊິກສະພາແຫ່ງຊາດເຂົ້າຮ່ວມ.​


ໂອກາດເຂົ້າຮ່ວມກອງປະຊຸມ, ທ່ານ ທອງລຸນ ສີສຸລິດ ໄດ້ລາຍງານໃຫ້ຊາບ ກ່ຽວກັບການຈັດຕັັ້ງປະຕິບັດ ແຜນພັດທະນາເສດຖະກິດ-ສັງຄົມໃນໄລຍະ 1 ປີຜ່ານມາ (2019-2020) ເຫັນວ່າ: ບັນດາຕົວເລກຄາດໝາຍ ແມ່ນບໍ່ສາມາດບັນລຸຕາມຄາດໝາຍທີ່ວາງໄວ້, ສາຍເຫດໄດ້ຮັບຜົນກະທົບມາຈາກ ສະພາບການພາຍໃນ ແລະ ສາກົນ ໂດຍສະເພາະ ການຂັດແຍ່ງທ້າທາຍກັນ ລະຫວ່າງປະເທດມະຫາອໍານາດ, ການຂັດແຍ່ງດ້ານເຊື້ອຊາດ, ບັນຫາຊາວອົບພະຍົບຢູ່ບັນດາປະເທດຕາ ເວັນອອກກາງ, ການເໜັງຕີງຂອງລາຄານໍ້າມັນ, ການລະບາດຂອງພະຍາດໂຄວິດ-19, ບັນຫາໄພທໍາມະຊາດ ແລະ ອືີ່ນໆ ໄດ້ສົ່ງຜົນກະທົບຢ່າງໜັກຕໍ່ການພັດທະນາ ຢູ່ຫຼາຍປະເທດ. ຕາມການຄາດຄະເນ ຂອງ IMF ຖ້າການປິດປະເທດໃນທົ່ວໂລກ ຍັງສືບຕໍ່ແກ່ຍາວ, ການຂະຫຍາຍຕົວເສດຖະກິດໂລກ ຈະຢູ່ໃນລະດັບ -4,4% ທຽບກັບປ 2019 (2,9%). ສະພາບການພາຍໃນ: ຄວາມຫຍຸູ້ງຍາກໃນການຄຸູ້ມຄອງເສດຖະກິດມະຫາພາກ ທີ່ແກ່ຍາວມາຫຼາຍປີ, ບັນຫາໄພທໍາມະຊາດເກີດຂຶ້ນຕໍ່ເນືີ່ອງ ແລະ ການແຜ່ລະບາດຂອງພະຍາດ ໂຄວິດ-19 ທີ່ ສົ່ງຜົນກະທົບໂດຍກົງໜັກໜ່ວງ ຕໍ່ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຂອງພວກເຮົາ ເຮັດໃຫ້ຫຼາຍຄາດໝາຍຈະບໍ່ສາມາດບັນລຸໄດ້ຕາມແຜນທີ່ວາງໄວ້ ເປັນຕົ້ນ ອັດຕາການເຕີບໂຕ ເສດຖະກິດຂອງປະເທດເຮົາ (GDP) ຄາດວ່າຈະບັນລຸໄດ້ພຽງ 3,3% (ແຜນດັດແກ້ 3,3 ຫາ 3,6) ມູນຄ່າຕາມລາຄາປີປະມານ 173.138 ຕື້ກີບ, ໃນນີ້ ຂະແໜງກະສິກໍາ ຂະຫຍາຍຕົວ ຕາມແຜນດັດແກ້ 2,3% ກວມເອົາ 16,6% ຂອງ GDP; ຂະແໜງອຸດສາຫະກຳ ຂະຫຍາຍຕົວ 9,8% ກວມເອົາ 33% ຂອງ GDP (ແຜນດັດແກ້ຂະຫຍາຍຕົວ 6,8); ແລະ ຂະແໜງບໍລິການແມ່ນຕິດລົບ 1,6% ກວມເອົາ 39,5% ຂອງ GDP (ແຜນດັດແກ້ຂະຫຍາຍຕົວ 1,7). ສຳລັບມູນຄ່າການນໍາເຂົ້າ-ສົ່ງອອກສິນຄ້າ ແມ່ນສາມາດປະຕິບັດໄດ້ 75.267 ຕື້ກີບ ເທົ່າກັບ 67,79% ຂອງແຜນດັດແກ້, ທຽບໃສ່ໄລຍະດຽວກັນ ຂອງປີຜ່ານມາຫຼຸດລົງ 5,6%. ໃນນັ້ນ, ການສົ່ງອອກປະຕິບັດໄດ້ 4.278 ລ້ານໂດລາສະຫະລັດ ເທົ່າກັບ 70,84% ຂອງແຜນດັດແກ້ (6.039 ລ້ານໂດລາ), ການນໍາເຂົ້າ ປະຕິບັດໄດ້ 3.824 ລ້ານໂດລາສະຫະລັດ ເທົ່າກັບ 64,68% ຂອງແຜນດັດແກ້ (5.912 ລ້ານໂດລາສະຫະລັດ), ສາມາດເກີນດູນ 454 ລ້ານໂດລາສະຫະລັດ (ແຜນການ ໃຫ້ເກີນດຸນ 127 ລ້ານໂດລາສະຫະລັດ). ຄາດໝົດປີ ມູນຄ່າການນໍາເຂົ້າ-ສົ່ງອອກ ຈະສາມາດປະຕິບັດໄດ້ບັນລຸແຜນດັດແກ້ 11.951 ລ້ານໂດລາສະຫະລັດ ຫຼື 111.024,79 ຕື້ກີບ. ສ່ວນການຈໍລະຈອນສິນຄ້າພາຍໃນ ປະຕິບັດໄດ້ 45.967 ຕື້ກີບ ເທົ່າກັບ 70,34% ຂອງແຜນດັດແກ້, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 6,73%, ຄາດຄະເນໝົດປີ ຈະສາມາດບັນລຸໄດ້ ຕາມແຜນດັດແກ້ 65.347,02 ຕື້ກີບ. ໄດ້ຕິດຕາມ ແລະ ແກ້ໄຂຫຼາຍບັນຫາ ທີ່ເກີດຂຶ້ນໃນໄລຍະປິດດ່ານຊາຍແດນ ເຮັດໃຫ້ການຂົນສົ່ງສິນຄ້າ ສາມາດດໍາເນີນໄປ ໄດ້ເປັນປົກກະຕິ; ໄດ້ເອົາໃຈໃສ່ຕິດຕາມ, ກວດກາ ແລະ ຄຸ້ມຄອງຄອງລາຄາ ສິນຄ້າບໍລິໂພກ-ອຸປະໂພກທີ່ຈໍາເປັນ ເຊັ່ນ: ລາຄາເຂົ້າ, ຊີ້ນ, ປາ, ອາຫານ, ຜ້າອັດປາກ-ດັງ, ເຈວລ້າງມື ແລະ ເຫລົ້າຂ້າເຊື້ອ ເພືີ່ອບໍ່ໃຫ້ມີການສວຍໂອກາດ ໃນໄລຍະທີ່ມີການລະບາດ ພະຍາດໂຄວິດ-19. ຂະແໜງພະລັງງານ ແລະ ບໍ່ແຮ່: ການຜະລິດກະແສໄຟຟ້າ ປະຕິບັດໄດ້ 29.787 ລ້ານກິໂລວັດໂມງ, ມູນຄ່າ 15.395 ຕື້ກີບ ເທົ່າກັບ 71,85% ຂອງແຜນດັດແກ້, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 34%. ຄາດຄະເນໝົດປີ ຈະສາມາດຜະລິດໄດ້ 40.621 ລ້ານກິໂລວັດໂມງ ມີມູນຄ່າປະມານ 20.964 ຕື້ກີບ. ສໍາລັບດ້ານແຮ່ທາດ: ຜະລິດໄດ້ 7.704 ຕື້ກີບ ເທົ່າກັບ 71% ຂອງແຜນດັດແກ້. ຄາດຄະເນໝົດປີ ການຜະລິດແຮ່ທາດ ຈະສາມາດປະຕິບັດໄດ້ 10.851 ຕື້ກີບ, ເຫັນວ່າຈະປະຕິບັດ ໄດ້ຕາມແຜນດັດແກ້. ຄາດໝາຍດ້ານງົບປະມານ ດ້ານລາຍຮັບ: ຮອດທ້າຍເດືອນກັນຍາ 2020 ປະຕິບັດໄດ້ 14.674 ຕື້ກີບ, ເທົ່າກັບ 64,57% ຂອງແຜນດັດແກ້. ໝົດປີຈະສູ້ຊົນໃຫ້ປະຕິບັດ ໄດ້ຕາມແຜນດັດແກ້. ການດຸ່ນດ່ຽງງົບປະມານຕາມຕົວເລກ ການຈັດຕັ້ງປະຕິບັດ ລາຍຮັບ-ລາຍຈ່າຍງົບປະມານ 9 ເດືອນ ມີການຂາດດຸນ 3.228 ຕື້ກີບ. ຈະສືບຕໍ່ສູ້ຊົນລະດົມທຶນ ດຸ່ນດ່ຽງງົບປະມານ ໃຫ້ໄດ້ຕາມແຜນການຂາດດຸນ ແລະ ຊໍາລະໜີ້ສິນຕ່າງປະເທດ ໃຫ້ທັນຕາມກໍານົດເວລາ. ເນື່ອງຈາກຄວາມຫຍຸ້ງຍາກ ໃນການຄຸ້ມຄອງເສດຖະກິດມະຫາພາກ ທີ່ແກ່ຍາວມາຫຼາຍປີ, ບັນຫາໄພທໍາມະຊາດ ເກີດຂຶ້ນຕໍ່ເນື່ອງ ແລະ ການແຜ່ລະບາດຂອງພະຍາດ ໂຄວິດ-19 ທີ່ສົ່ງຜົນກະທົບ ໂດຍກົງໜັກໜ່ວງ ຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງພວກເຮົາ ເຮັດໃຫ້ຫຼາຍຄາດໝາຍຈະບໍ່ສາມາດບັນລຸ ໄດ້ຕາມແຜນທີ່ວາງໄວ້.

ນອກນັ້ນ, ເພື່ອເຮັດໃຫ້ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ປະຈໍາປີ 2021 ບັນລຸຕາມຄາດໝາຍ, ສືບຕໍ່ມີການຂະຫຍາຍຕົວຢ່າງຕໍ່ເນື່ອງ, ທ່ານນາຍົກລັດຖະມົນຕີ ຍັງໄດ້ສະເໜີທິດທາງແຜນການ ແລະ ມາດຕະການຈັດຕັ້ງປະຕິບັດ ຕື່ມອີກ.


ແຫຼ່ງ: ຫ້ອງວ່າການສໍານັກງານນາຍົກລັດຖະມົນຕີ