2 ພາກສ່ວນ ມອບເຄື່ອງຊ່ວຍເຫຼືອ ເພື່ອປ້ອງກັນໂຄວິດ-19

ຜູ້ຂຽນ: ວັນ​ທອງ ລັດ​ຕະ​ນະ​ວິ​ໄລ

ວັນເສົາ, 11 ມ.ສ 2020 17:00

​ໃນຕອນບ່າຍ ຂອງວັນທີ 11 ເມສາ 2020 ທີ່ ກະຊວງການເງິນ, ທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ ຂອງເຊື້ອພະຍາດ ໂຄວິດ-19 ໄດ້ຕາງໜ້າໃຫ້ລັດຖະບານ ຮັບເຄື່ອງຊ່ວຍເຫຼືອ ອຸປະກອນປ້ອງກັນພະຍາດ ຈາກສອງພາກສ່ວນ, ໂດຍມີຜູ້ຕາງໜ້າຫ້ອງວ່າການສຳນັກງານນາຍົກລັດຖະມົນຕີ, ກະຊວງສາທາລະນະສຸກ ແລະ ພະນັກງານທີ່ກ່ຽວຂ້ອງ ເຂົ້າຮ່ວມ.

ພາກສ່ວນທີ່ນຳເຄື່ອງມາມອບຊ່ວຍເຫຼືອໃນຄັ້ງນີ້ ມີ: 1). ບໍລິສັດ ເອບີ ກໍ່ສ້າງ ຂົວທາງ ຈຳກັດຜູ້ດຽວ ມອບຜ້າປິດປາກ-ດັງ ຈຳນວນ 100.000.000 ອັນ, ມີມູນຄ່າ 500.000.000 ກີບ, ກ່າວມອບໂດຍ ທ່ານ ອາຊຽງ ເຊີນຊຽງ ຜູ້ອຳນວຍການບໍລິສັດ ເອບີ ກໍ່ສ້າງ ຂົວທາງ ຈຳກັດຜູ້ດຽວ; 2). ບໍລິສັດ  ໂຊນາພານໍາເຂົ້າ ແລະ ສົ່ງອອກສິນຄ້າທຸກປະເພດ ຈຳກັດຜູ້ດຽວ ມອບຜ້າປິດປາກ-ດັງ ຈຳນວນ 10.000 ອັນ, ເຄື່ອງນຸ່ງປ້ອງກັນ 40 ຊຸດ, ແວ່ນຕາປ້ອງກັນ 300 ອັນ, ນໍ້າຢາຂ້າເຊື້ອຈໍານວນ 48 ຖັງ ລວມມູນຄ່າ 100.000.000 ກີບ, ກ່າວມອບໂດຍ ທ່ານ LIU YAXU ຜູ້ອຳນວຍການໃຫຍ່ ບໍລິສັດ  ໂຊນາພານໍາເຂົ້າ ແລະ ສົ່ງອອກສິນຄ້າທຸກປະເພດ ຈຳກັດຜູ້ດຽວ.

ແຫຼ່ງ: ຫ້ອງວ່າການສໍານັກງານນາຍົກລັດຖະມົນຕີ