ຫວຽດນາມ ມອບເຄື່ອງຊ່ວຍເຫຼືອ ແກ່ສປປ ລາວ

ຜູ້ຂຽນ: ກົມປະຊາສຳພັນ, ພະແນກໂຄສະນາ

ວັນເສົາ, 04 ມ.ສ 2020 16:00

​​​​​ ໃນຕອນທ່ຽງ ຂອງວັນທີ 4 ເມສາ 2020 ທີ່ສະໜາມບິນສາກົນວັດໄຕ, ນະຄອນຫຼວງວຽງຈັນ ໄດ້ມີພິທີມອບ-ຮັບ ເຄື່ອງຊ່ວຍເຫຼືອ (ອຸປະກອນການແພດ) ຈາກລັດຖະບານ ແລະ ປະຊາຊົນ ສສ ຫວຽດນາມ ໃຫ້ແກ່ລັດຖະບານ ແລະ ປະຊາຊົນລາວ ເພື່ອປ້ອງກັນ ແລະ ຕ້ານພະຍາດໂຄວິດ-19.
​​​​​ ເຄື່ອງດັ່ງກ່າວ ກ່າວມອບໂດຍທ່ານ ຫງວຽນ ບ້າ ຮຸ່ງ, ເອກອັກຄະລັດຖະທູດ ແຫ່ງ ສສ ຫວຽດນາມ ປະຈຳ ສປປ ລາວ ແລະ ກ່າວຮັບໂດຍທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງເຊື້ອພະຍາດ ໂຄວິດ 19; ມີທ່ານ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກ ພ້ອມດ້ວຍພາກສ່ວນທີ່ກ່ຽວຂອງສອງຝ່າຍເຂົ້າຮ່ວມ ເປັນສັກຂີພະຍານ.
 
​​​​​ ເຄື່ອງອຸປະກອນການແພດປ້ອງກັນ ແລະ ຕ້ານພະຍາດໂຄວິດ-19 ທີ່ມອບ-ຮັບໃນຄັ້ງນີ້ ປະກອບມີນໍ້າຢາກວດພະຍາດໂຄວິດ-19, ຜ້າອັດປາກ (3 ຊັ້ນ), ຊຸດປ້ອງກັນພະຍາດ ແລະ ເຄື່ອງມືທີ່ຈຳເປັນຈຳນວນໜຶ່ງ, ຊຶ່ງທ່ານ ສົມດີ ດວງດີ ໄດ້ກ່າວວ່າ: ເຄື່ອງຊ່ວຍເຫຼືອດັ່ງກ່າວ ລວມມູນຄ່າຫຼາຍກວ່າ 300.000 ໂດລາສະຫະລັດ, ໃນນັ້ນ ຈາກລັດຖະບານ 100.000 ໂດລາສະຫະລັດ, ຈາກກະຊວງສາທາລະນະສຸກ 5 ຕື້ດົງ (200.000 ກວ່າໂດລາ) ແລະ ຈາກກະຊວງວິທະຍາສາດ ແລະ ເຕັກໂນໂລຊີ 250 ລ້ານດົງ (ປະມານ 10.000 ໂດລາ), ພ້ອມນີ້ ທ່ານຮອງນາຍົກລັດຖະມົນຕີ ຍັງຕີລາຄາສູງຕໍ່ການຊ່ວຍເຫຼືອໃນຄັ້ງນີ້ ເຖິງແມ່ນວ່າ ສສ ຫວຽດນາມເອງ ກໍ່ປະສົບຄວາມຫຍຸ້ງຍາກ ແຕ່ຍັງໄດ້ບິແບ່ງຄວາມຊ່ວຍເຫຼືອມາຍັງ ສປປ ລາວ ແລະ ການຊ່ວຍເຫຼືອຄັ້ງນີ້ ຍິ່ງຈະເປັນການເສີມຂະຫຍາຍ ແລະ ຮັດແໜ້ນສາຍພົວພັນຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສປປ ລາວ ແລະ ສສ ຫວຽດນາມ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນ.
 
​​​​​ ໃນຕອນທ່ຽງ ຂອງວັນທີ 4 ເມສາ 2020 ທີ່ສະໜາມບິນສາກົນວັດໄຕ, ນະຄອນຫຼວງວຽງຈັນ ໄດ້ມີພິທີມອບ-ຮັບ ເຄື່ອງຊ່ວຍເຫຼືອ (ອຸປະກອນການແພດ) ຈາກລັດຖະບານ ແລະ ປະຊາຊົນ ສສ ຫວຽດນາມ ໃຫ້ແກ່ລັດຖະບານ ແລະ ປະຊາຊົນລາວ ເພື່ອປ້ອງກັນ ແລະ ຕ້ານພະຍາດໂຄວິດ-19.
​​​​​ ເຄື່ອງດັ່ງກ່າວ ກ່າວມອບໂດຍທ່ານ ຫງວຽນ ບ້າ ຮຸ່ງ, ເອກອັກຄະລັດຖະທູດ ແຫ່ງ ສສ ຫວຽດນາມ ປະຈຳ ສປປ ລາວ ແລະ ກ່າວຮັບໂດຍທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງເຊື້ອພະຍາດ ໂຄວິດ 19; ມີທ່ານ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກ ພ້ອມດ້ວຍພາກສ່ວນທີ່ກ່ຽວຂອງສອງຝ່າຍເຂົ້າຮ່ວມ ເປັນສັກຂີພະຍານ.
 
​​​​​ ເຄື່ອງອຸປະກອນການແພດປ້ອງກັນ ແລະ ຕ້ານພະຍາດໂຄວິດ-19 ທີ່ມອບ-ຮັບໃນຄັ້ງນີ້ ປະກອບມີນໍ້າຢາກວດພະຍາດໂຄວິດ-19, ຜ້າອັດປາກ (3 ຊັ້ນ), ຊຸດປ້ອງກັນພະຍາດ ແລະ ເຄື່ອງມືທີ່ຈຳເປັນຈຳນວນໜຶ່ງ, ຊຶ່ງທ່ານ ສົມດີ ດວງດີ ໄດ້ກ່າວວ່າ: ເຄື່ອງຊ່ວຍເຫຼືອດັ່ງກ່າວ ລວມມູນຄ່າຫຼາຍກວ່າ 300.000 ໂດລາສະຫະລັດ, ໃນນັ້ນ ຈາກລັດຖະບານ 100.000 ໂດລາສະຫະລັດ, ຈາກກະຊວງສາທາລະນະສຸກ 5 ຕື້ດົງ (200.000 ກວ່າໂດລາ) ແລະ ຈາກກະຊວງວິທະຍາສາດ ແລະ ເຕັກໂນໂລຊີ 250 ລ້ານດົງ (ປະມານ 10.000 ໂດລາ), ພ້ອມນີ້ ທ່ານຮອງນາຍົກລັດຖະມົນຕີ ຍັງຕີລາຄາສູງຕໍ່ການຊ່ວຍເຫຼືອໃນຄັ້ງນີ້ ເຖິງແມ່ນວ່າ ສສ ຫວຽດນາມເອງ ກໍ່ປະສົບຄວາມຫຍຸ້ງຍາກ ແຕ່ຍັງໄດ້ບິແບ່ງຄວາມຊ່ວຍເຫຼືອມາຍັງ ສປປ ລາວ ແລະ ການຊ່ວຍເຫຼືອຄັ້ງນີ້ ຍິ່ງຈະເປັນການເສີມຂະຫຍາຍ ແລະ ຮັດແໜ້ນສາຍພົວພັນຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສປປ ລາວ ແລະ ສສ ຫວຽດນາມ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນ.


ແຫຼ່ງ: ຫ້ອງວ່າການສຳນັກງານນາຍົກລັດຖະມົນຕີ
ຂ່າວອື່ນໆ