ໂທລະເລກອວຍພອນວັນຊາດ ບຣູໄນ ດາຣູຊາລາມ ຄົບຮອບ 36 ປີ

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນອັງຄານ, 25 ກ.ພ 2020 16:00

​​​​  
​     ນະຄອນຫຼວງວຽງຈັນ, ວັນທີ 23 ກຸມພາ 2020
ສົມເດັດ,
​​​​​ໃນນາມລັດຖະບານ ແລະ ປະຊາຊົນແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ      ກໍຄືໃນນາມສ່ວນຕົວ, ຂ້າພະເຈົ້່າ ຂໍສົ່ງຄໍາຊົມເຊີຍອັນອົບອຸ່ນ ແລະ ອວຍພອນໄຊອັນປະເສີດ ມາຍັງສົມເດັດ, ລັດຖະບານ ແລະ ປະຊາຊົນ ແຫ່ງ ບຣູໄນ ດາຣູຊາລາມ ເນື່ອງໃນໂອກາດວັນຊາດ ແຫ່ງ ບຣູໄນ ດາຣູຊາລາມ ຄົບຮອບ 36 ປີ.
​​​​​ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ທີ່ເຫັນວ່າ ຫຼາຍກວ່າ 2 ທົດສະວັດເຄິ່ງທີ່ຜ່ານມາ, ສາທາລະນະລັດ ປະຊາທິປະໄຕ ປະຊາຊົນລາວ ແລະ ບຣູໄນ ດາຣູຊາລາມ ໄດ້ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີ ທັງຂອບສອງຝ່າຍ ແລະ ຫຼາຍຝ່າຍ. ຂ້າພະເຈົ້າມີຄວາມຍິນດີ ທີ່ຈະສືບຕໍ່ເຮັດວຽກກັບ ສົມເດັດ ຢ່າງໃກ້ຊິດ ເພື່ອຮັດແໜ້ນສາຍພົວພັນມິດຕະພາບ ແລະ ການຮ່ວມມືທີ່ດີງາມໃນປະຈຸບັນ ໃຫ້ພັດທະນາ ແລະ ແຕກດອກອອກຜົນຍິ່ງໆຂຶ້ນ ໃນຊຸມປີຕໍ່ໜ້າ ເພື່ອນໍາເອົາຜົນປະໂຫຍດມາສູ່ສອງປະເທດ ແລະ ປະຊາຊົນສອງຊາດພວກເຮົາ ກໍຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາໃນພາກພື້ນ ແລະ ໃນໂລກ.
​​​​​​ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໄຊອັນປະເສີດມາຍັງ ສົມເດັດ ຈົ່ງພະກະເສມສໍາລານ, ມີພາລະນາໄມສົມບູນ, ມີຄວາມຜາສຸກ ແລະ ຂໍໃຫ້ປະຊາຊົນບຣູໄນ ດາຣູຊາລາມ ທຸກຖ້ວນໜ້າ ພາຍໃຕ້ພະບໍໍຣົມໂພທິສົມພານຂອງພະອົງ ຈົ່ງສືບຕໍໍ່ມີຄວາມກ້າວໜ້າ ແລະ ວັດທະນະຖາວອນຕະຫຼອດໄປ.

ດ້ວຍຄວາມນັບຖືຢ່າງສູງ,

                                                                                                                                                       ທອງລຸນ ສີສຸລິດ
                                                                                                                                                      ນາຍົກລັດຖະມົນຕີ
                                                                                                                                                       ແຫ່ງ ສປປ ລາວ​

ສົມເດັດ ຊຸນຕານ ຮາຈິ ຮັດຊານານ ໂບນເກຍ
ແຫ່ງ ບຣູໄນ ດາຣູຊາລາມ
ທີ່ ບັນດາ ສິຣິ ເບກາວັນ​

ແຫຼ່ງ: ກະຊວງການຕ່າງປະເທດ