ສານຊົມເຊີຍ ຂອງທ່ານນາຍົກລັດຖະມົນຕີ ສົ່ງເຖິງຄູ່ຮ່ວມຕໍາແໜ່ງ ແຫ່ງ ສ. ໂອຕຣິດ

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນອັງຄານ, 04 ກ.ພ 2020 17:00

​​​ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ນະຄອນຫຼວງວຽງຈັນ, ວັນທີ 29 ມັງກອນ 2020

       ພະນະທ່ານ,
ໃນນາມລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງພະນະທ່ານ ເນື່ອງໃນໂອກາດທີ່ພະນະທ່ານ ໄດ້ຮັບການເລືອກຕັ້ງຄືນໃໝ່ໃຫ້ດຳລົງ ຕຳແໜ່ງເປັນນາຍົກລັດຖະມົນຕີ ແຫ່ງ ສາທາລະນະລັດໂອຕຣິດ.
​ຂ້າພະເຈົ້າ ຈະສືບຕໍ່ຮ່ວມເຮັດວຽກກັບພະນະທ່ານ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສອງປະເທດພວກເຮົາ ເພື່ອຜົນປະໂຫຍດຮ່ວມກັນຂອງປະຊາຊົນສອງຊາດ ກໍ່ຄືເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາໃນພາກພື້ນ ແລະໃນໂລກ.
ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດທຸກປະການໃນການປະຕິບັດໜ້າທີ່ອັນມີກຽດ ຂອງພະນະທ່ານ.

                                                                                                                                                     ດ້ວຍຄວາມນັບຖືຢ່າງສູງ,

                                                                                          ທອງລຸນສີສຸລິດ


        ພະນະທ່ານ ເຊບັດສະຕຽນ ເຄີສ໌
        ນາຍົກລັດຖະມົນຕີ ແຫ່ງ ສະທາລະນະລັດໂອຕຣິດ
        ທີ່ ນະຄອນຫຼວງວຽນນາ

ແຫຼ່ງ: ກະຊວງການຕ່າງປະເທດ