ບໍລິສັດ ຈະເລີນເຊກອງ ພະລັງງານ ຈຳກັດ ແລະ ກຸ່ມບໍລິສັດ ພອນສັກ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນພະຫັດ, 05 ກ.ຍ 2019 15:00

 
​ໃນຕອນແລງ ຂອງວັນທີ 5 ກັນຍາ 2019 ທີ່ ສຳນັກງານນາຍົກລັດຖະມົນຕີ, ບໍລິສັດ ຈະເລີນເຊກອງ ພະລັງງານ ຈຳກັດ ແລະ ກຸ່ມບໍລິສັດ ພອນສັກ ໄດ້ມອບເງິນ ແລະ ເຄື່ອງຊ່ວຍເຫຼືອ ໃຫ້ແກ່ຜູ້ປະສົບໄພນໍ້າຖ້ວມ ລວມມູນຄ່າ 4 ຕື້ກີບ, ໃນນີ້ ທ່ານ ຈັນທະໜອມ ພົມມະນີ, ປະທານບໍລິສັດ ຈະເລີນເຊກອງ ພະລັງງານ ຈຳກັດ ໄດ້ຕາງໜ້າບໍລິສັດ ມອບການຊ່ວຍເຫຼືອ ມູນຄ່າ 2 ຕື້ກີບ (ເງິນສົດ 1 ຕື້ກີບ ແລະ ວັດຖຸສິ່ງຂອງ 1 ຕື້ກີບ) ແລະ  ແລະ ທ່ານ ນາງ ສຸດດາລາວັນ ສີຫາພົມ ຕາງໜ້າກຸ່ມບໍລິສັດ ພອນສັກ ມອບເງິນຊ່ວຍເຫຼືອ ຈຳນວນ 2 ຕື້ກີບ, ຊຶ່ງໃຫ້ກຽດກ່າວຮັບ ໂດຍແມ່ນທ່ານ ທອງລຸນ ສີສຸລິດ, ນາຍົກລັດຖະມົນຕີ. ໃນໂອກາດນີ້, ທ່ານນາຍົກລັດຖະມົນຕີ ໄດ້ກ່າວຂອບໃຈ ຕໍ່ທັງສອງບໍລິສັດ ທີ່ໄດ້ໃຫ້ການຊ່ວຍເຫຼືອບັນເທົາທຸກ ແກ່ຜູ້ປະສົບໄພນໍ້າຖ້ວມໃນປີນີ້, ພ້ອມທັງ ໃຫ້ຄໍາໝັ້ນສັນຍາວ່າ ຈະນໍາເອົາວັດຖຸສິ່ງຂອງ ທີ່ໄດ້ຮັບການຊ່ວຍເຫຼືອດັ່ງກ່າວ ໄປມອບຕໍ່ ໃຫ້ຮອດໃຫ້ເຖິງປະຊາຊົນ ທີ່ປະສົບໄພພິບັດນໍ້າຖ້ວມ ຢ່າງແທ້ຈິງ.​

ແຫຼ່ງ: ຫ້ອງວ່າການສໍານັກງານນາຍົກລັດຖະມົນຕີ