ເລືອກຈໍານວນແຖວສະແດງ:
ການນຳຂັ້ນສູງ ໃສ່ບາດບຸນນະມັດສະການພະທາດຫຼວງວຽງຈັນ

ເພື່ອສືບສານ ແລະ ຮັກສາຮີດຄອງປະເພນີອັນດີງາມຂອງຊາດລາວເຮົາ ທີ່ໄດ້ຮັບການສືບທອດມາແຕ່ດົນນານ, ໃນຕອນເຊົ້າ ຂອງວັນທີ 11 ພະຈິກ 2019 ການນຳຂັ້ນສູງຂອງ ພັກ, ລັດ, ສະພາແຫ່ງຊາດ, ອົງການຈັດຕັ້ງມະຫາຊົນ, ອະດີດການນຳ, ຄອບຄົວການນຳ ພ້ອມດ້ວຍມວນຊົນ ຈຳນວນຫຼວງຫຼາຍ ໄດ້ພ້ອມພາກັນໃສ່ບາດ ເນື່ອງໃນໂອກາດບຸນນະມັດສະການພະທາດຫຼວງວຽງຈັນ ປະຈຳປີ 2019

ພາກລັດ ແລະ ພາກທຸລະກິດ ຮ່ວມປຶກສາຫາລື ເພື່ອປັບປຸງສະພາບແວດລ້ອມການດໍາເນີນທຸລະກິດ ໃນ ສປປ ລາວ

ກອງປະຊຸມທຸລະກິດລາວ ຄັ້ງທີ 12 ໄດ້ຈັດຂຶ້ນໃນຕອນເຊົ້າ ຂອງວັນທີ 12 ພະຈິກ 2019 ທີ່ ຫໍປະຊຸມແຫ່ງຊາດ, ນະຄອນຫຼວງວຽງຈັນ, ພາຍໃຕ້ການເປັນປະທານ ຂອງທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ; ໂດຍການໃຫ້ກຽດເຂົ້າຮ່ວມ ແລະ ໂອ້ລົມ ຂອງທ່ານ ທອງລຸນ ສີສຸລິດ, ນາຍົກ ລັດຖະມົນຕີ;

ທ່ານ ນາຍົກລັດຖະມົນຕີ ຕ້ອນຮັບປະທານາທິບໍດີ ຮົງກາຣີ

ໃນຕອນເຊົ້າ ຂອງວັນທີ 25 ຕຸລາ 2019 ທີ່ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບ ທ່ານ ຢາໂນສ ອາແດຣ, ປະທານາທິບໍດີ ແຫ່ງ ສາທາລະນະລັດ ຮົງກາຣີ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມລັດຖະກິດ ຢູ່ ສປປ ລາວ ຕາມການເຊື້ອເຊີນ ຂອງທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ.

ນາຍົກລັດຖະມົນຕີ ຕ້ອນຮັບປະທານສະຫະພັນບານເຕະນາໆຊາດ

​ໃນຕອນເຊົ້າ ຂອງວັນທີ 19 ຕຸລາ 2019 ທີ່ ສໍານັກງານາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຈີອານນີ ອິນຟານຕີໂນ (Gianni Infantino) ປະທານສະຫະພັນບານເຕະນາໆຊາດ ຫຼື FIFA ພ້ອມຄະນະ.

ສອງພາກສ່ວນ ສືບຕໍ່ຊ່ວຍເຫຼືອແກ້ໄຂໄພນໍ້າຖ້ວມ

​ໃນຕອນເຊົ້າ ຂອງວັນທີ 15 ຕຸລາ 2019 ທີ່ ສໍານັກງານນາຍົກລັດຖະມົນຕີ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ວ່າການລັດຖະມົນຕີກະຊວງແຜນການ ແລະ ການລົງທຶນ ໄດ້ຕາງໜ້າໃຫ້ລັດຖະບານ

ມອບ-ຮັບ ໜ້າທີ່ ລັດຖະມົນຕີກະຊວງແຜນການ ແລະ ການລົງທຶນ

ໃນຕອນເຊົ້າ ຂອງວັນທີ 11 ຕຸລາ 2019 ທີ່ ກະຊວງແຜນການ ແລະ ການລົງທຶນ ໄດ້ຈັດພິທີມອບ-ຮັບໜ້າທີ່ ເລຂາຄະນະພັກ, ລັດຖະມົນຕີກະຊວງແຜນການ ແລະ ການລົງທຶນ ລະຫວ່າງ ທ່ານ ສຸພັນ ແກ້ວມີໄຊ, ກໍາມະການສູນກາງພັກ, ລັດຖະມົນຕີກະຊວງແຜນການ ແລະ ການລົງທຶນ (ຜູ້ເກົ່າ) ແລະ ທ່ານ ສອນໄຊ ສີພັນດອນ, ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ (ຜູ້ໃໝ່)

ການຄົ້ນຄວ້າ ຕ້ອງຕອບສະໜອງການພັດທະນາປະເທດ

ໃນວັນທີ 11 ຕຸລາ 2019 ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມຕໍ່ກອງປະ ຊຸມວຽກງານວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງທີ III ຢູ່ຫໍປະຊຸມແຫ່ງຊາດ, ມີທ່ານ ສຈ.ປອ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ;

ຄູຕ້ອງສ້າງຕົນເອງໃຫ້ມີຄວາມຮູ້ກວ່າເກົ່າ ແລະ ທັນກັບຍຸກສະໄໝ

ໃນຕອນບ່າຍຂອງວັນທີ 4 ຕຸລາ 2019 ທີ່ ມະຫາວິທະຍາໄລແຫ່ງຊາດ ໄດ້ຈັດຕັ້ງພິທີໂຮມຊຸມນຸມ ເພື່ອສະເຫຼີມສະຫຼອງ ແລະ ຂ່ຳນັບຮັບຕ້ອນວັນຄູແຫ່ງຊາດ ທີ່ຈະໝູນວຽນມາບັນຈົບຄົບຮອບ 25 ປີ (7 ຕຸລາ 1994 - 7 ຕຸລາ 2019). ໂດຍການໃຫ້ກຽດເຂົ້າຮ່ວມ ແລະ ໂອ້ລົມ ຂອງ ທ່ານ ທອງລຸນ ສີສຸລິດ, ນາຍົກລັດຖະມົນຕີ, ມີບັນດາທ່ານລັດຖະມົນຕີ, ຮອງລັດຖະມົນຕີ, ພະສົງ, ຜູ້ຊົງຄຸນວຸດທິ, ຜູ້ອາວຸໂສ, ຄູອາຈານ ແລະ ນັກຮຽນນັກສຶກສາ ເຂົ້າຮ່ວມ.

ຮອງນາຍົກລັດຖະມົນຕີ ລົງຊຸກຍູ້ວຽກງານດ້ານເສດຖະກິດ ຢູ່ແຂວງບໍລິຄຳໄຊ

ໃນວັນທີ 4 ຕຸລາ 2019 ນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວ ຊຸກຍູ້ວຽກງານດ້ານເສດຖະກິດ-ສັງຄົມ ຢູ່ແຂວງບໍລິຄຳໄຊ ໂດຍມີ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມດ້ວຍ ຄະນະນຳຂອງແຂວງ ໃຫ້ການຕ້ອນຮັບ.

ຮອງນາຍົກລັດຖະມົນຕີ ເຄື່ອນໄຫວຊີ້ນຳວຽກງານຟື້ນຟູຫຼັງນ້ຳຖ້ວມ ຢູ່ແຂວງຄຳມ່ວນ

​ ໃນວັນທີ 2 ຕຸລາ 2019 ນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງຄຳມ່ວນ ໂດຍໄດ້ຮັບການຕ້ອນຮັບ ແລະ ຟັງການລາຍງານກ່ຽວກັບແຜນການພັດທະນາ ເສດຖະກິດ-ສັງຄົມ ຂອງແຂວງ

ຮອງນາຍົກລັດຖະມົນຕີ ລົງເຄື່ອນໄຫວເຮັດວຽກ ຢູ່ເມືອງໜອງບົກ ແຂວງຄຳມ່ວນ

ໃນວັນທີ 1 ຕຸລາ 2019 ນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກ ແລະ ຢ້ຽມຢາມ ປະຊາຊົນທີ່ໄດ້ຮັບຜົນກະທົບ ຈາກໄພນ້ຳຖ້ວມ ຢູ່ເມືອງໜອງບົກ ແຂວງຄຳມ່ວນ ໂດຍໄດ້ຮັບການຕ້ອນຮັບຈາກທ່ານ ສິນທະສອນ ມະໂຫໂຄດ ເຈົ້າເມືອງເມືອງໜອງບົກ ພ້ອມດ້ວຍຄະນະ.

ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ສສ. ຫວຽດນາມ ຢ່າງເປັນທາງການ

ໂດຍຕອບສະໜອງຕາມຄຳເຊີນຂອງ ສະຫາຍ ຫງວຽນ ຊວັນ ຟຸກ, ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ສະຫາຍ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ໄດ້ເດີນທາງໄປຢ້ຽມຢາມຢ່າງເປັນທາງການ

ນາຍົກລັດຖະມົນຕີ ຕ້ອນຮັບປະທານສະພາແຫ່ງຊາດຫວຽດນາມ

​ໂດຍຕອບສະໜອງຕາມຄຳເຊີນ ຂອງທ່ານ ນາງ ປານີ ຢາທໍ່ຕູ້, ປະທານສະພາແຫ່ງຊາດ ແຫ່ງ ສປປ ລາວ, ທ່ານ ນາງ ຫງວຽນທິ ກິມເງິນ, ປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງມາ ຢ້ຽມຢາມທາງລັດຖະກິດ ທີ່ ສປປ ລາວ ແຕ່ວັນທີ 26-29 ກັນຍາ 2019.

3 ພາກສ່ວນ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

ໃນຕອນແລງ ຂອງວັນທີ 17 ກັນຍາ 2019 ທີ່ ສຳນັກງານນາຍົກລັດຖະມົນຕີ (ສນຍ), ທ່ານ ທອງລຸນ ສີສຸລິດ, ນາຍົກລັດຖະມົນຕີ ໄດ້ຕາງໜ້າລັດຖະບານ ຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມ ຈາກເຂດເສດຖະກິດພິເສດສາມຫຼ່ຽມຄຳ 3.000.000.000 ກີບ, ກ່າວມອບໂດຍທ່ານ ຈ້າວ ເຫວີຍ, ປະທານສະພາບໍລິຫານເຂດ; ທະນາຄານ ICBC 180.000 ໂດລາ, ກ່າວມອບໂດຍທ່ານ ຊຸ່ນ ເຟີງເລ (MR. Sun Fenglei), ຜູ້ອຳນວຍການທະນາຄານ ICBC ສາຂານະຄອນຫຼວງວຽງຈັນ; ບໍລິສັດ ໄຟຟ້ານໍ້າເທີນ 2 ຈຳນວນ 1.000.000.000 ກີບ, ກ່າວມອບໂດຍທ່ານ ໂຟລ້ອງ ເປໂລ້ (MR. Florent Perrot), ຮອງອຳນວຍການ ບໍລິສັດ ໄຟຟ້ານໍ້າເທີນ 2,

ຊົມເຊີຍ 3 ພາກສ່ວນ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

ໃນຕອນເຊົ້າ ຂອງວັນທີ 10 ກັນຍາ 2019 ທີ່ ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ, ນາຍົກລັດຖະມົນຕີ ໄດ້ຕາງໜ້າໃຫ້ລັດຖະບານ ຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມ ຈາກກຸ່ມບໍລິສັດ ເອັສທີ ຈຳນວນ 2,5 ຕື້ກີບ, ຈາກກຸ່ມບໍລິສັດ ພົງຊັບທະວີ ຈຳກັດຜູ້ດຽວ ຈຳນວນ 2 ຕື້ກີບ ແລະ ຈາກບໍລິສັດທີ່ປຶກສາ ດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ (IHC) ຈຳນວນ 2 ຕື້ກີບ,

ທ່ານນາຍົກ ສືບຕໍ່ເຄື່ອນໄຫວໃຫ້ກຳລັງໃຈຜູ້ປະສົບໄພນໍ້າຖ້ວມ

ດ້ວຍຄວາມເປັນຫ່ວງເປັນໄຍ ຕໍ່ຊີວິດການເປັນຢູ່ ຂອງປະຊາຊົນ ທີ່ກຳລັງປະສົບໄພນໍ້າຖ້ວມ, ໃນຕອນເຊົ້າ ຂອງວັນທີ 8 ກັນຍາ 2019 ທ່ານ ທອງລຸນ ສີສຸລິດ, ນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ໄປຢ້ຽມຢາມ ແລະ ພົບປະໂອ້ລົມ ເພື່ອໃຫ້ກຳລັງໃຈ ແກ່ປະຊາຊົນ ທີ່ປະສົບໄພນໍ້າຖ້ວມ ຢູ່ຈຸດພັກຊົ່ວຄາວ ບ້ານປາກຊອນ, ເມືອງຊະນະສົມບູນ, ແຂວງຈໍາປາສັກ.

ທ່ານນາຍົກ ຢ້ຽມຢາມ ແລະ ຊຸກຍູ້ການແກ້ໄຂໄພນໍ້າຖ້ວມຢູ່ 3 ແຂວງພາກໃຕ້

ໃນວັນທີ 7 ກັນຍາ 2019 ທ່ານ ທອງລຸນ ສີສຸລິດ, ນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວ ຢ້ຽມຢາມ ເພື່ອພົບປະໂອ້ລົມ, ໃຫ້ກຳລັງໃຈພໍ່ແມ່ປະຊາຊົນ ແລະ ຊຸກຍູ້ການແກ້ໄຂໄພນ້ຳຖ້ວມ ຢູ່ແຂວງສະຫວັນນະເຂດ, ສາລະວັນ ແລະ ຈຳປາສັກ.

ຜົນສຳເລັດຂອງການຢ້ຽມຢາມລັດຖະກິດຢູ່ ສປປ ລາວ ຂອງ ປະທານາທິບໍດີ ແຫ່ງ ສ. ເກົາຫຼີ

ໂດຍຕອບສະໜອງຕາມຄຳເຊີນຂອງ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພະນະທ່ານ ມູນ ແຈ ອິນ, ປະທານາທິບໍດີ ແຫ່ງ ສາທາລະນະລັດ ເກົາຫຼີ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມລັດຖະກິດ ສາທາລະນະລັດ ປະຊາທິປະໄຕ ປະຊາຊົນລາວ, ໃນລະຫວ່າງວັນທີ 5-6 ກັນຍາ 2019,

ບໍລິສັດ ຈະເລີນເຊກອງ ພະລັງງານ ຈຳກັດ ແລະ ກຸ່ມບໍລິສັດ ພອນສັກ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

ໃນຕອນແລງ ຂອງວັນທີ 5 ກັນຍາ 2019 ທີ່ ສຳນັກງານນາຍົກລັດຖະມົນຕີ, ບໍລິສັດ ຈະເລີນເຊກອງ ພະລັງງານ ຈຳກັດ ແລະ ກຸ່ມບໍລິສັດ ພອນສັກ ໄດ້ມອບເງິນ ແລະ ເຄື່ອງຊ່ວຍເຫຼືອ ໃຫ້ແກ່ຜູ້ປະສົບໄພນໍ້າຖ້ວມ ລວມມູນຄ່າ 4 ຕື້ກີບ,

ທ່ານນາຍົກ ຊີ້ນຳໃຫ້ເລັ່ງຊ່ວຍເຫຼືອປະຊາຊົນ ທີ່ປະສົບໄພນໍ້າຖ້ວມ ຢ່າງຮີບດ່ວນ

ໃນຕອນເຊົ້າ ຂອງວັນທີ 5 ກັນຍາ 2019 ທີ່ ສຳນັກງານນາຍົກລັດຖະມົນຕີ ໄດ້ຈັດກອງປະຊຸມດ່ວນ ເພື່ອປຶກສາ ຫາລືການແກ້ໄຂໄພພິບັດນໍ້າຖ້ວມ ຢູ່ບັນດາແຂວງພາກໃຕ້ ແລະ ພາກກາງຈຳນວນໜຶ່ງ, ໂດຍການເປັນປະທານ ຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ; ມີທ່ານ ຮອງນາຍົກລັດຖະມົນຕີ, ບັນດາທ່ານລັດຖະມົນຕີ, ຮອງລັດຖະມົນຕີ ຈາກກະຊວງທີ່ກ່ຽວຂ້ອງ ເຂົ້າຮ່ວມ.