ບົດຖະແຫຼງຂ່າວ ຂອງທ່ານຮອງນາຍົກລັດຖະມົນຕີ
ໃນຕອນເຊົ້າ ຂອງວັນທີ 2 ເມສາ 2020 ທີ່ ສຳນັກງານນາຍົກລັດຖະມົນຕີ, ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ຖະແຫຼງຂ່າວຕໍ່ສື່ມວນຊົນ ກ່ຽວກັບມາດຕະການດ້ານເສດຖະກິດ ເພື່ອແກ້ໄຂຜົນກະທົບຂອງການລະບາດພະຍາດ COVID-19 ຢູ່ ສປປ ລາວ ໂດຍມີເນື້ອໃນດັ່ງນີ້:
ຕີລາຄາຄືນ ການປ້ອງກັນ COVID-19 ຂອງບັນດາແຂວງພາກກາງ ແລະ ພາກໃຕ້
ໃນຕອນເຊົ້າ ຂອງວັນທີ 27 ມີນາ 2020 ທີ່ ແຂວງສະຫວັນນະເຂດ ໄດ້ຈັດກອງປະຊຸມປຶກສາຫາລື, ແລກປ່ຽນຂໍ້ມູນ ແລະ ຕີລາຄາຄືນ ການຈັດຕັ້ງປະຕິບັດບັນດາມາດຕະການ ໃນການປ້ອງກັນ, ຄວບຄຸມ ແລະ ຕອບໂຕ້ ການແຜ່ລະບາດຂອງເຊື້ອພະຍາດດັ່ງກ່າວ ພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ; ມີຄະນະສະເພາະກິດ ຂັ້ນສູນກາງ, ບັນດາເຈົ້າແຂວງ ແລະ ພະແນກການທີ່ກ່ຽວຂ້ອງຂອງບັນດາແຂວງພາກກາງ ແລະ ພາກໃຕ້ ນັບແຕ່ແຂວງບໍລິຄຳໄຊ ລົງຮອດອັດຕະປື ເຂົ້າຮ່ວມ.
ທ່ານນາຍົກ ລົງຕິດຕາມການປະຕິບັດມາດຕະການ ຕ້ານ COVID-19 ຢູ່ແຂວງສະຫວັນນະເຂດ
ພາຍຫຼັງສໍາເລັດການເຄື່ອນໄຫວ ຕິດຕາມກວດກາ, ຊຸກຍູ້ ແລະ ປະເມີນຄືນ ການຈັດຕັ້ງປະຕິບັດ ບັນດາມາດຕະການທີ່ລັດຖະບານວາງອອກ ໃນການປ້ອງກັນ, ຄວບຄຸມ ແລະ ຕອບໂຕ້ ການແຜ່ລະບາດຂອງເຊື້ອພະຍາດ COVID-19 ຢູ່ແຂວງຄຳມ່ວນ, ມາໃນຕອນບ່າຍຂອງວັນດຽວກັນ (26 ມີນາ 2020) ຄະນະຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ ໄດ້ສືບຕໍ່ຢ້ຽມຢາມ ແລະ ປະຕິບັດວຽກງານດັ່ງກ່າວ ທີ່ແຂວງສະຫວັນນະເຂດ,
ທ່ານນາຍົກ ລົງຕິດຕາມກວດກາການປະຕິບັດມາດຕະການປ້ອງກັນ COVID-19
ເພື່ອສືບຕໍ່ຕິດຕາມກວດກາ, ຊຸກຍູ້ ແລະ ປະເມີນຄືນ ການຈັດຕັ້ງປະຕິບັດ ບັນດາມາດຕະການທີ່ລັດຖະບານວາງອອກ ໃນການປ້ອງກັນ, ຄວບຄຸມ ແລະ ຕອບໂຕ້ ການແຜ່ລະບາດ ຂອງເຊື້ອພະຍາດ COVID-19 ມີຄວາມຮັບປະກັນ ແລະ ໄດ້ຮັບຜົນຄືແນວໃດ, ໃນຕອນເຊົ້າ ຂອງວັນທີ 26 ມີນາ 2019 ທ່ານ ນາຍົກລັດຖະມົນຕີ, ທອງລຸນ ສີສຸລິດ, ພ້ອມດ້ວຍຄະນະສະເພາະກິດ ໄດ້ໄປຢ້ຽມຢາມ ແລະ ກວດກາເບິ່ງ ສະພາບຄວາມເປັນຈິງ